Room 40, Insight

Нацыянальны цэнтр сучасных мастацтваў РБ у рамках VI Адкрытага форуму эксперыментальных пластычных тэатраў Беларусі “ПлаSтформа” прадстаўляе
“INSIGHT”
(“У ПОЛІ ЗРОКУ”)
монаспектакль Януша Орліка (Польшча)
Прэм'ера: 3 сакавіка 2013
Ідэя: Януш Орлік
Выканаўца: Януш Орлік
Драматургія і пастаноўка святла: Ёхана Лясняровска
Кампазітар: Януш Орлік
Сцэнаграфія: Марта Вышынскі
Тэхнік: Лукаш Кядзерскі
Візуальны шэраг: Міхал Лучак
Працягласць: 50 хвілін.
Прадукцыя: Art Stations Foundation пры падтрымцы Міністэрства культуры і Нацыянальнай спадчыны Рэспублікі Польшча
Аўтар перформанса спрабуе знайсці фізічнае і візуальнае прадстаўленне эмацыйнага стану адчужэння ад навакольнай рэчаіснасці. Герой размяшчаецца ў адначасова рэалістычнай і метафарычнай прасторы сцэны, напоўненай ледзь прыкметнымі жэстамі, гукамі, ценямі. Такім чынам, мы бачым унутраны свет, супрацьлеглы свету вонкаваму пры дапамозе неадназначных эмоцый, знаёмых кожнаму з нас. Перакладзеныя на магутную мову руху, яны цягнуць за сабой у доўгае падарожжа па лабірынтах чалавечага цела, якое сутыкаецца, дзень за днём, з какафоніяй навакольнай рэальнасці.



“ROOM 40”
(“ПАКОЙ 40”)
Мацей Кузьмінскі Праект (Польшча)
Прэм'ера: 25 ліпеня 2012 г.
Харэаграфія: Мацей Кузьмінскі
Драматургія: Адам Хіпкі
Выканаўцы: Даніэла Камядзера, Ганна Камінскі, Кася Паўлоўская, Дамініка Віак.
Працягласць: 40 хвілін.
«Пакой 40» імкнецца перавесці экзістэнцыяльныя разважанні на мову харэаграфіі. Выкарыстоўваючы стан стомленасці, Мацей Кузьмінскі дэманструе віртуознасць танцоўшчыкаў і кідае крытычны погляд на традыцыі, падрываючы застарэлыя тэатральныя ўмоўнасці. Балансуючы паміж формамі, пастаноўка з’яўляецца адначасова правакатыўнай і мабільнай.