27 сакавіка адбылося адкрыццё фотавыставы Максіма Карасцялёва "Непарад"

27 сакавіка на камернай сцэне Купалаўскага тэатра адбылося ўрачыствае адкрыццё першай персанальнай фотавыставы "Непарад". Аўтар праекта – Максім Карасцялёў, акцёр тэатра.

Унікальны фотапраект дазваляе звычайнаму гледачу зазірнуць у "закуліссе" акцёрскага жыцця: на фотаздымках Максіма мы бачым заслужаных і народных артыстаў, маладых і вопытных акцёраў і ўсіх тых, хто датычаны да Купалаўскага тэатра, у самых нечаканых абставінах.

Гэты дзень стаў стаў знакавым, бо змясціў у сябе накалькі важных падзей: міжнародны дзень тэатра, першую выставу Максіма і адкрыццё "Тыдня тэатра" у Купалаўскім, у межах якога прайшло яшчэ чатыры культурна-адукацыйных мерапрыемства.

З 31 сакавіка экспазіцыя будзе прадстаўлена ў прасторы перад увоходам у партэр і на бельэтаж.