Тэсты для дарослых (16+)

Аўтар – Міра Гаўран
Жанр – камедыя
Рэжысёр-пастаноўшчык – Святлана Навуменка
Пераклад і музычнае афармленне – Святлана Навуменка
Сцэнограф і мастак па касцюмах – Юрый Саламонаў
Харэограф – Дзіяна Юрчанка
Працягласць: 1 г. 40 хв. без антракту

Новая пастаноўка Святланы Навуменка “Тэсты для дарослых” паводле п'есы добра вядомага ва ўсім свеце харвацкага драматурга Міра Гаўрана “Не да смеху” прапануе іранічную і адкрытую размову на класічную тэму – як захаваць каханне і павагу ў сям'і.
Падчас спектакля глядач стане саўдзельнікам працэсу першаснай тэрапіі, пройдзе папулярныя псіхалагічныя тэсты і адчуе сябе часткай гэтай парадаксальнай гісторыі.
“Тэсты для дарослых” – тэрыторыя, дзе і акцёры і гледачы змогуць не баяцца быць сапраўднымі, не заганяць сябе ў рамкі, а ў агульным патоку энергіі пражываць пачуцці, што ўзнікаюць у моманце, тут і зараз.
Калі вы гатовы да нечаканых псіхалагічных адкрыццяў і да размовы з гумарам на сур'ёзную тэму адносін, прыходзьце і праходзьце “Тэсты для дарослых” у РТБД!

Ролі выконваюць:
Барыс – Андрэй Дабравольскі
Міа – Ганна Анісенка
Ніна – Наталля Халадовіч

арганізатар: ДУ "Заслужаны калектыў Рэспублікі Беларусь "РЭСПУБЛІКАНСКІ ТЭАТР БЕЛАРУСКАЙ ДРАМАТУРГІІ".