"Сніўся мне сон" Сустрэчы ля каміна (12+)

музычна-літаратурная сустрэча
Рэжысёр Данііл Філіповіч
Прэм'ера – 21 лістапада 2021 года
Працягласць – 1 гадзіна
Найбліжэйшыя паказы
  • 16
    лютага
    19:00
    Чц

Часцей за ўсе адбываецца так, што мы бачым адзін і той жа сон, які прыходзіць да нас амаль кожную ноч. У паэтаў сны асаблівыя, яны складзены са строк, атмасферы ды музыкі. Рэжысёр Данііл Філіповіч глыбока пранікся творамі беларускай паэтэсы Канстанцыі Буйло і гэта навеяла яму кампазіцыю «Сніўся мне сон...». Артысты тэатра разам з аркестрам стварылі фантазію па матывах вершаў паэтэсы.
Дарэчы назва гэтага «літаратурна-музычнага сна» узята  з верша Канстанцыі Буйло. Верш аўтабіаграфічны і быў напісаны у 1914 годзе. Нехта «ЁН» кожную ноч з'яўляецца  да паэтэсы ў снах, стаўшы яе Героем. Яго вочы вяртаюць  надзею на тое, што яны абавязкова ўбачацца ў рэальным жыцці і іх каханне будзе вечным.
Вас чакаюць лірычныя творы Канстанцыі Буйло ў выкананні маладых артыстаў, якія пераклікоўваюцца з класічнай музыкай ў выкананні артыстаў аркестра.