Генеральным дырэктарам Нацыянальнага акадэмічнага тэатра імя Янкі Купалы прызначаны Павел Латушка

Павел Латушка нарадзіўся 10 лютага 1973 года ў Мінску. У 1995 годзе скончыў юрыдычны факультэт Беларускага дзяржаўнага ўніверсітэта, у 1996 годзе – факультэт прадпрымальніцтва Мінскага дзяржаўнага лінгвістычнага ўніверсітэта. Сярод пасад Паўла  Латушкі – Міністр культуры Рэспублікі Беларусь, Надзвычайны і Паўнамоцны Пасол Рэспублікі Беларусь у Польшчы, Францыі, Іспаніі, Партугаліі, Манака, Пастаянны прадстаўнік Рэспублікі Беларусь пры ЮНЕСКА і ЮНСТА. 

Міністр культуры Юрый Бондар падкрэсліў, што Павел Латушка разам з Мікалаем Пінігіным прымаў удзел у распрацоўцы новага падыхода развіцця Нацыянальнага акадэмічнага тэатра імя Янкі Купалы, які спрацаваў вельмі паспяхова: сёння Купалаўскі тэатр з’яўляецца лідарам сярод тэатраў Беларусі, а калектыў тэатра працягвае папулярызаваць беларускае тэатральнае мастацтва, гісторыю і культуру. 

“Працаваць у адной з вядучых устаноў культуры Беларусі – вялікі гонар і адказнасць. Будаваць на створаным. Захоўваць традыцыі і пашыраць прастору беларускага тэатральнага мастацтва. Спадзяюся, што разам мы зробім многае дзеля нашай спадчыны, культуры і тэатральнага мастацтва Беларусі.  Вяртаюсь у новы шлях”, – пракаментаваў Павел Латушка.