Тамара Міронава
Народная артыстка Беларусі (2022)
Нарадзілася 3 лютага 1950 года ў Вільні.
У 1973 годзе паступіла на працу ў Магілёўскі абласны тэатр драмы і камедыі ў Бабруйску, у 1988 годзе была запрошана ў Мінск у тэатр "Дзе-Я?", у якім пасля адыходу М.Трухана выконвала абавязкі мастацкага кіраўніка, з 2000 года працавала ў тэатры "Вольная сцэна" пры Беларускім саюзе тэатральных дзеячаў. У Купалаўскім тэатры служыць з 19 кастрычніка 2001 года.
Лаўрэат мноства рэспубліканскіх і міжнародных тэатральных і кінафестываляў: на фестывалі ў Эдынбургу (Шатландыя) у 1995 годзе была адзначана ў прэсе як найлепшая актрыса ў фармаце тэатраў малых форм; у 2002 годзе была адзначана прызам за найлепшую жаночую ролю на фестывалі нямецкай драматургіі; у гэтым жа годзе ў беларускай прэсе Т.Міронава названа актрысай года і ўзнагароджана дыпломам "За высокія творчыя дасягненні і значны ўклад у тэатральнае мастацтва Беларусі".
Уладальнiца Нагруднага знака Міністэрства культуры Рэспублікі Беларусь "За ўклад у развіццё культуры Беларусі" (2010)
Уладальніца медаля Францыска Скарыны (2011)
У бягучым рэпертуары выконвае ролі:
- Агата ("Паўлінка" Я. Купалы);
- Ганна ("Вечар" А. Дударава);
- Арына Панцеляймонаўна ("Жаніцьба" М.Гогаля);
- Грэйс ("Чакана гучна і да болю блізка" М. Паніча);
- Аббі ("Апошні атракцыён" Д. Ліндсі - Эбера).
Прэса:
"Минск-новости"
"Минск-Новости"
Белорусская военная газета "Во славу Родины"
Журнал «На экранах»
"Аргументы и факты"
"Женский калейдоскоп"
"Советская Белоруссия"
"Минский курьер"
"Минский курьер"
"На экранах"