Фестываль «Перамога»

Паважаныя гледачы! 

Нацыянальны акадэмічны тэатр імя Янкі Купалы з радасцю запрашае вас на ІІ рэспубліканскі тэатральны фестываль «Перамога»! 

У гэтым годзе ён прымеркаваны да вялікай даты: 80-годдзя са дня вызвалення Беларусі ад нямецка-фашысцкіх захопнікаў.

У межах дадзенага фестывалю ўвазе сталічных гледачоў будуць прадстаўлены лепшыя спектаклі на ваенную тэму за апошнія гады. Удзельнікамі стануць як сталічныя, так і рэгіянальныя тэатры. 

На пляцоўках Купалаўскага тэатра выступяць тэатральныя калектывы з Брэста, Віцебска, Гомеля, Гродна, Магілёва, Мазыра і Слоніма. 

На працягу адзінаццаці фестывальных дзён вы зможаце ўбачыць глыбокія і кранальныя гісторыі. Пра мужнасць, сяброўства, любоў і адвагу, якія змаглі пераадолець усе выпрабаванні вайны. 

Рады, што праграму фестывалю адкрые драма Нацыянальнага акадэмічнага тэатра імя Янкі Купалы "А зоры тут ціхія", прэм'ера якой адбылася 28 снежня 2023 года.

Будзем ганарыцца. Будзем памятаць. Чакаем вас у Купалаўскім тэатры!

13.05 | панядзелак, 19.00	13.05 | панядзелак, 19.00	15.05 | серада, 19.00	15.05 | серада, 19.00
15.05 | серада, 19.00	16.05 | чацвер, 19.00	17.05 | пятнiца, 19.00	18.05 | субота, 19.00
21.05 | аўторак, 19.00	22.05 | серада, 17.00	23.05 | чацвер, 19.00

Архіў (2023 год)