Народны артыст СССР Генадзь Сцяпанавіч Аўсяннікаў адзначае свой 89 дзень нараджэння!

Большая частка жыцця Генадзя Сцяпанавіча належыць менавіта Купалаўскаму, з 1957 года ён сыграў амаль 90 роляў у родным тэатры, працаваў на радыё, удзельнічаў у стварэнні легендарных кінастужак. І дагэтуль артыст не толькі падказвае маладым акцёрам, як лепей падыйсці да ролі, але і сам з задавальненнем прымае ўдзел амаль у кожным новым спектаклі.
 
Дарагі Генадзь Сцяпанавіч! Дазвольце павіншаваць Вас з днём нараджэння! Вы і сведка, і стваральнік гісторыі тэатра на Беларусі. Жадаем Вам ў першую чаргу здароўя і даўгалецця! Радуйце гледачоў сваімі новымі ролямі, якія ўсе чакаюць, і самі знаходзьце радасць у кожным дні!
 
Убачыць і павіншаваць імянінніка ў Купалаўскім тэатры вы можаце ў наступныя дні:
20 лютага, 3 і 29 сакавіка (“А зоры тут ціхія (https://kupalauski.by/performances/large_stage/and-the-dawns-are-here-12-/?afisha=52950)”);
27 лютага, 5 і 28 сакавіка (“Паўлінка (https://kupalauski.by/performances/large_stage/pa-linka-12-/)”);
28 лютага, 9 сакавіка (“Рамэа і Джульета (https://kupalauski.by/performances/large_stage/ramea-i-dzhuleta-12-/)”);
27 сакавіка (“Час жыцця (https://kupalauski.by/performances/large_stage/chas-zhytstsya-12-/)").