Купала. П’еса
Нацыянальны акадэмічны тэатр імя Янкі Купалы пры падтрымцы Дзяржаўнага літаратурнага музея Янкі Купалы абвяшчае конкурс п’ес “Купала. П’еса”, прымеркаваны да 145-годдзя з дня нараджэння народнага паэта Беларусі.
Запрашаем прафесійных літаратараў і аўтараў-пачаткоўцаў! Прымаюцца арыгінальныя, раней не апублікаваныя і не інсцэніраваныя п’есы на беларускай або рускай мовах.
Конкурс пройдзе ў тры этапы:
1. Да 14 снежня 2026 года – рэгістрацыя, падача сінопсіса і адной гатовай сцэны.
2. З 21 снежня 2026 года да 19 сакавіка 2027 года – падача поўных тэкстаў п’ес.
3. Другая палова красавіка 2027 года – стварэнне і паказ рэжысёрскіх эскізаў па п’есах фіналістаў у рамках “Купала. Лабараторыі”.
Пераможца атрымае магчымасць увасобіць сваю п’есу на сцэне Купалаўскага тэатра!
Стварыце п’есу, якая стане часткай гісторыі Купалаўскага!
