ІV Качалаўскі фестываль сустрэў новых удзельнікаў – беларускі Нацыянальны акадэмічны тэатр імя Янкі Купалы. Як і два гады таму, казанская публіка цёпла і гасцінна прыняла купалаўцаў. Пранізлівая драма "А зоры тут ціхія" не пакінула абыякавым ніводнага гледача, а гучанне беларускай мовы з казанскай сцэны толькі падкрэсліла адметнасць і нацыянальны каларыт тэатра.

Са слязьмі на вачах жыхары Татарстана сачылі за лёсамі пяці зенітчыц і старшыны Васкова, а потым не раз выклікалі артыстаў на сцэну гучнымі апладысментамі і крыкамі "брава"!