З днём нараджэння, любая сталіца!

Мінск назаўжды заняў сваё месца ў душы кожнага з нас. Гэты горад непарыўна звязаны з гісторыяй Беларусі, яго вуліцы і плошчы памятаюць вялікія падзеі мінулага, на іх ствараецца будучыня краіны. Для Купалаўскага тэатра Мінск — невычэрпная крыніца натхнення і радасці, сапраўднае месца сілы. Мы ганарымся быць часткай гэтага цудоўнага горада, несці культуру і прыгажосць мастацтва ўсім, хто наведвае беларускую сталіцу!

Жадаем Мінску міру, росквіту і дабрабыту, а ўсім яго жыхарам — шчасця, цяпла і новых яркіх уражанняў!

З любоўю, Купалаўскі

На фотаздымках — вул. Захар'еўская (сучасны праспект Незалежнасці) і паштоўка 1920-х гадоў з выявай Беларускага дзяржаўнага тэатра (сучасны Нацыянальны акадэмічны тэатр імя Янкі Купалы).