83 гады са дня смерці народнага паэта Беларусі Янкі Купалы

28 чэрвеня на Вайсковых могілках у Мінску Купалаўскі тэатр прыняў удзел у Жальбінах з нагоды 83-й гадавіны смерці Янкі Купалы. 

Па традыцыі каля помніка на магіле першага народнага паэта Беларусі гучалі яго вершы. Беларускія паэты чыталі свае творы, прысвечаныя Янку Купалу.

У знак удзячнай памяці прысутныя ўсклалі кветкі на магілу Янкі Купалы, каб яшчэ раз аддаць даніну павагі Песняру.

Дзякуй Дзяржаўнаму літаратурнаму музею Янкі Купалы, што захоўваюць памяць нашага народнага паэта