Іваноў. Рускі Гамлет

Антон Чэхаў

Прайшло амаль паўтара стагоддзя з моманту напісання А.П.Чэхавым адной з першых сваіх “поўнафарматных“ п'ес, а “Іванаў“ да гэтага часу застаецца загадкай, зачыненай шкатулкай без ключа, падставай для глыбокіх і супярэчлівых даследаванняў гісторыкаў тэатра, псіхолагаў і, вядома, рэжысёраў, якія спрабуюць “узламаць код“ п'есы.

Свой ключ да “Іванава“ прапануе і санкт-пецярбургскі рэжысёр Раман Габрыа. Хто ж яго Іваноў? Яшчэ адзін “лішні чалавек“? “Чалавек у футляры“? Неўрастэнік? Ці ён проста — адзін з нас? Давайце разбірацца…

Дарэчы, “разбірацца разам“ – зусім не фігуральнае словазлучэнне для гэтай пастаноўкі. Гледачы, якія прыходзяць на спектакль, займаюць свае месцы не ў глядзельнай зале, а на... сцэне, вакол прасторы, у якой адбываецца дзеянне спектакля, у прамым сэнсе на адлегласці выцягнутай рукі ад акцёраў. Спектакль набывае дзякуючы гэтаму яшчэ адно вымярэнне, а праславутая “чацвёртая сцяна“ паміж гледачом і акцёрамі разбураецца.

Дзеючыя асобы:

• Дзмітрый Цэсляк (Святар);
• Сяргей Юрэвіч (Іванаў Мікалай Аляксеевіч, абавязковы член па сялянскіх справах прысутнасці);
• Марыя Хадзякова (Ганна Пятроўна, яго жонка, народжаная Сарра Абрамсан);
• Юрый Марціновіч (Шабельскі Мацвей Сямёнавіч, граф, яго дзядзька па маці);
• Андрэй Шыдлоўскі (Львоў Яўген Канстанцінавіч, малады земскі лекар);
• Сяргей Лагуценка (Лебедзеў Павел Кірылыч, старшыня земскай управы);
• Таццяна Кандраценка (Зінаіда Савішна, яго жонка);
• Лізавета Альхоўка (Саша, дачка Лебедзевых);
• Аляксей Муславец (Ягорушка, сябар Сашы);
• Віталя Цішкова (Аксана, сяброўка Сашы);
• Яўгенія Канькова (Бабакіна Марфа Ягораўна, багатая ўдава); 
• Дзмітрый Байкоў (Боркін Міхаіл Міхайлавіч, далёкі сваяк Іванова і кіраўнік яго маёнткам).