106 сезон

Па выніках працы за 2025 год тэатр заняў ганаровае месца сярод найлепшых арганізацый на Дошцы гонару Ленінскага раёна горада Мінска.

Гэта вынік агульнай працы калектыву і вашай падтрымкі, дарагія гледачы. Працуем далей на карысць беларускага мастацтва!

Фота прадастаўлена інфармацыйным агенцтвам "Мінск-Навіны"

Гонар адкрыць дошку мелі жонка артыста Снежана Мікулашаўна Цімчык і генеральны дырэктар Купалаўскага тэатра Аляксандр Віктаравіч Шастакоў.

Сярод гасцей былі старшыня Саюза тэатральных дзеячаў Ярмалінская Вераніка Мікалаеўна, калегi народная артыстка Беларусі Зінаіда Зубкова, заслужаная артыстка Аўтаномнай Рэспублікі Крым Ала Ельяшэвіч, заслужаны артыст Рэспублікі Беларусь Давыдзька Генадзь Браніслававіч i блізкі сябар, прафесар i доктар архітэктуры Армен Сардараў ✨

Мікалай Кірычэнка прысвяціў Купалаўскаму тэатру 47 гадоў жыцця. Памяць пра майстра ўшанавана на фасадзе роднага дома.

❗Увага, змены ў рэпертуары❗

Паважаныя гледачы, вымушаны паведаміць, што 12.04 адмена спектакля “Бясконцая гiсторыя”.

❗Увага, змены ў рэпертуары❗

Паважаныя гледачы, вымушаны паведаміць, што 15.04 замест спектакля “Брама неўміручасці”, адбудзецца спектакль-рэквiем “Вечар” (пачатак у 19:00) ⏱️

3 красавіка ў межах школьнага конкурсу "Лепшы клас" Нацыянальны акадэмічны тэатр імя Янкі Купалы наведалі навучэнцы ДУА "Сярэдняя школа № 27 г. Мінска" з тэатральным ухілам.

Юныя госці пабывалі ў закуліссі, убачылі ўсе 3 сцэны тэатра, а таксама зазірнулі ў месцы, дзе праходзяць асноўныя этапы стварэння спектакляў.

Жадаем юным тэатралам перамогі ў конкурсе і чакаем іх на нашых спектаклях!

Сёння, 1 красавіка, мы з асаблівай павагай узгадваем аднаго з найвялікшых геніяў сусветнай літаратуры - Мікалая Васільевіча Гогаля.

Яго пяро спалучала востры гумар, з'едлівую іронію і неверагодную лірычнасць. Гогаль не проста пісаў - ён ствараў цэлую галерэю бессмяротных вобразаў. Ён умеў прымусіць чытача адначасова смяяцца і задумвацца аб найважнейшых рэчах: аб сэнсе жыцця, аб чалавечай слабасці і велічы, аб марах і рэальнасці.

Менавіта ў гэты дзень асабліва хочацца ўзгадаць адну з самых яркіх і праніклівых яго камедый - "Жаніцьба". На гэты спектакль Вы можаце прыйсцi ў наш тэатр 18.04!

27 сакавіка, у Міжнародны дзень тэатра, у Купалаўскім тэатры адбылося ўзнагароджанне артыстаў падзякай Міністэрства культуры Рэспублікі Беларусь за шматгадовую добрасумленную працу і высокі прафесіяналізм ✨ Праводзіў узнагароджанне намеснік генеральнага дырэктара Пракапчук Алег Анатольевіч.

Падзяку атрымалі:
Аўчыніна Юлія Вадзімаўна - артыст драмы 1 квалiфiкацыйнай катэгорыi;
Цяцёркін Барыс Аляксандравіч - артыст драмы 1 квалiфiкацыйнай катэгорыi;
Цыцура Артур Мікалаевіч - артыст драмы 2 квалiфiкацыйнай катэгорыi.

Ад усяго сэрца віншуем калег з заслужанай высокай ацэнкай іх таленту, адданасці і майстэрства ❤️

Дзякуй вам за гады яркай службы тэатру і за кожную сыграную ролю, якая застаецца ў сэрцах гледачоў!