Гастрольны каляндар

Новы год – гэта час чараўніцтва і падарункаў.

Напярэдадні Новага года трупа нашага тэатра зрабіла падарунак ваеннаслужачым і сем'ям Вайсковай часці 3214 - паказ спектакля "Паўлінка"

Учора, 3 лістапада, для жыхароў і гасцей горада Гомеля, Нацыянальны акадэмічны тэатр імя Янкі Купалы паказаў містычную легенду пра каханне – "Чорную панну Нясвіжа" паводле А.Дударава. А сення, 4 лістапада адбудзецца паказ спектакля для самых маленькіх – "Гісторыя шакаладнага дрэва", А.Мазькоў.
Кожны гастрольны дзень  насычаны эмоцыямі і краскамі! Мы вельмі ўдзячныя  каллектыву Гомельскага абласнога драматычнага тэатра за цеплы прыём.
Чакаем новых сустрэч з гомельскім гледачом!

Купалаўскі звітае ў госці!

23 і 31 сакавіка трупа Нацыянальнага акадэмічнага тэатра імя Янкі Купалы адправіцца ў Дзяржынск і Слуцк, дзе прадставіць на радасць мясцовым жыхарам знакамітую камедыю "Паўлінку" Янкі Купалы. Таксама для маленькіх прыхільнікаў тэатра горада Дзяржынск мы пакажам нашу чароўную казку "Гісторыя шакаладнага дрэва"! Запрашаем!

12 лютага 2022 года Нацыянальны акадэмічны тэатр імя Янкі Купалы наведаў Магілёўскі абласны тэатр драмы і камедыі імя В.М.Дуніна-Марцінкевіча і прадставіў свае новыя прэм’ерныя спектаклі: “Гісторыя шакаладнага дрэва” для дзяцей і “Жаніцьба” для дарослага гледача. Спакушаныя тэатральныя гледачы Бабруйска з яго шчырасцю і ўдзячнасцю зноў сустрэлі нашых артыстаў з характэрнай цяплынёй і адкрытасцю да новых імёнаў у афіше нашага тэатра. Асаблівыя словы падзякі мы выказваем кіраўніцтву Магілёўскага абласнога тэатра драмы і камедыі імя В.М.Дуніна-Марцінкевіча за іх прафесіяналізм і шчырасць. Да хуткіх сустрэч!

25 і 29 студзеня прайшлі гастролі Купалаўскага тэатра ў гарадах Шклоў і Салігорск са знакамітай камедыяй Янкі Купалы "Паўлінка"! Артысты і музыканты былі рады прынесці тэатральнае свята ў такія розныя гарады нашай краіны і падарыць усё цяпло беларускага народа ўдзячнаму гледачу! Да хуткіх сустрэч!