Гастрольны каляндар

Спектакль "Вяселле" быў паказаны на сцэне Тбіліскага акадэмічнага тэатра імя К. Марджанішвілі ў рамках Міжнароднага тбіліскага фестывалю тэатра.

З 5 лістапада па 13 снежня 2012 года жыхары гарадоў Бурж, Нант, Эўры, Мюлуза, Брэст, Каломб, Невер, Шатэнэ-Малабры і Пуацье ўбачылі спектакль "Вяселле". Галоўным арганізатарам выступіў Міжнародны тэатральны фестываль імя А. Чэхава.

30 чэрвеня 2012 года пасля 250-гадовага перапынку ў Нясвіжы ізноў загучалі творы княгіні Францішкі Уршулі Радзівіл. Нацыянальны акадэмічны тэатр імя Янкі Купалы прадставіў на падворку княжацкага палаца нясвіжскую арлекінаду “Выкраданне Еўропы, альбо Тэатр Уршулі Радзівіл”, створаную паводле трох п’ес славутай прадстаўніцы магнацкага роду.

10 мая 2012 года на сцэне лонданскага тэатра Блумзбары адбыўся першы ў гісторыі паказ спектакля Нацыянальнага акадэмічнага тэатра імя Янкі Купалы ў Злучаным Каралеўстве.

Спектакль “Офіс” Нацыянальнага акадэмічнага тэатра імя Янкі Купалы атрымаў найвышэйшую ўзнагароду Моладзевага тэатральнага форума краін СНД, Балтыі і Грузіі, які праходзіў у г. Кішынёў (Малдова) з 6 па 13 чэрвеня 2012 года.